Fundur utanríkisráðherra með formanni hermálanefndar Atlantshafsbandalagsins

FRÉTTATILKYNNING
frá utanríkisráðuneytinu

Nr. 049

Valgerður Sverrisdóttur utanríkisráðherra átti í dag fund með Raymond Henault, formanni hermálanefndar Atlantshafsbandalagsins.

Á fundinum var rætt um samskipti Íslands og Atlantshafsbandalagsins og framlög Íslands til aðgerða á vegum þess, einkum í Afganistan. Þá gerði utanríkisráðherra grein fyrir þeim ábyrgðum sem Ísland hefur þegar tekið að sér innan Atlantshafsbandalagsins eftir brotthvarf bandaríska varnarliðsins frá Keflavíkurflugvelli. Einnig var rætt um íslenska loftvarnarkerfið og lofthelgiseftirlit við Ísland, en unnið er að tillögum innan bandalagsins um útfærslu þess. Að lokum greindi utanríkisráðherra formanni hermálanefndarinnar frá tvíhliða viðræðum Íslands við grannþjóðir á norðanverðu Atlantshafi um öryggismál.