Hoppa yfir valmynd

Fundur Halldórs Ásgrímssonar, utanríkisráðherra, með borgarstjóra Qingdao

FRÉTTATILKYNNING

frá utanríkisráðuneytinu

________




Nr. 103


Halldór Ásgrímson, utanríkisráðherra og eiginkona hans Sigurjóna Sigurðardóttir heimsóttu í dag hafnarborgina Qingdao á fjórða degi opinberrar heimsóknar þeirra í Kína. Þar var utanríkisráðherra viðstaddur opnun alþjóðlegu sjávarútvegssýningarinnar "China Fisheries and Seafood Expo", þar sem sjö íslensk fyrirtæki eru á meðal þátttakenda. Einnig hélt utanríkisráðherra ræðu á alþjóðlegri ráðstefnu um sjálfbæra nýtingu auðæfa hafsins, "Forum on Sustainable Development of Fisheries".

Utanríkisráðherra átti í dag fund með borgarstjóra Qingdao og þáði hádegisverðarboð hans. Síðdegis í dag afhjúpaði Halldór Ásgrímsson styttu myndlistarmannsins Gerðar Gunnarsdóttur, "Fiðluleikarinn", sem sett hefur verið upp á Tónlistartorgi hafnarborgarinnar, að viðstöddu fjölmenni. Tónlistartorgið er í grennd við svæði þar sem ráðgert er að halda siglingakeppni Ólympíuleikanna árið 2008.

Á morgun halda utanríkisráðherrahjónin í opinbera heimsókn til Rússlands þar sem utanríkisráðherra mun meðal annars eiga fundi með starfsbróður sínum, Igor Ivanov, og öðrum ráðamönnum Rússlands.



Utanríkisráðuneytið
Reykjavík, 30. október 2001.

Tags

Contact us

Tip / Query
Spam
Please answer in numerics