Stofnun stjórnmálasambands

Í dag, mánudaginn 15. mars, var undirritað í New York samkomulag um stofnun stjórnmálasambands milli Íslands og Líbíu. Fastafulltrúar ríkjanna hjá Sameinuðu þjóðunum, þeir Hjálmar W. Hannesson, sendiherra og Ali Abdussalam Treki, sendiherra, undirrituðu samkomulagið.

Frá því öryggisráð SÞ aflétti á dögunum viðskiptabanni á Líbíu hafa samskipti landsins við umheiminn færst í eðlilegt horf. Búist er við því að vestrænir ferðamenn muni leggja leið sína í vaxandi mæli til Líbíu, m.a. vegna þeirra miklu fornminja, sem til eru í landinu.