Umtalsverður árangur í fríverslunarviðræðum við Kína

Sjötta lota fríverslunarviðræðna Íslands og Kína var haldin þann 22.-24. janúar 2013 í Peking. Umtalsverður árangur náðist í öllum málaflokkum og urðu samningsaðilar ásáttir um að halda áfram vinnunni með það að takmarki að ljúka samningum sem fyrst.

Fríverslunarsamningur ríkjanna mun greiða leið fyrir tvíhliða viðskipti. Samið er um niðurfellingu tolla, þjónustuviðskipti, upprunareglur, heilbrigðiseftirlit, tæknilegar viðskiptahindranir, lagaleg málefni, vernd hugverka og opinber innkaup.