Breytingar á skipan sendiherra
Nr. 069
FRÉTTATILKYNNING
frá utanríkisráðuneytinu
frá utanríkisráðuneytinu
Utanríkisráðherra hefur ákveðið að gera eftirfarandi breytingar á skipan sendiherra í utanríkisþjónustunni:
Þorsteinn Ingólfsson, sendiherra sem hefur verið fastafulltrúi Íslands hjá Sameinuðu þjóðunum frá árinu 1998, tekur við starfi aðalfulltrúa kjördæmis Norðurlanda og Eystrasaltsríkja í stjórn Alþjóðabankans jafnframt því að vera yfirmaður skrifstofu landanna í höfuðstöðvum bankans í Washington.
Hjálmar W. Hannesson, sem verið hefur sendiherra Íslands í Ottawa frá 2001, tekur við starfi fastafulltrúa Íslands hjá S.þ.
Guðmundur Eiríksson, sendiherra, sem var dómari við Hafréttardómstól Sameinuðu þjóðanna frá 1996 til 2002, tekur við starfi sendiherra Íslands í Ottawa.
Kristinn F. Árnason, sem verið hefur sendiherra Íslands í Osló frá 1999, tekur við starfi skrifstofustjóra varnarmálaskrifstofu.
Stefán Skjaldarson, sendiherra, sem hefur verið skrifstofustjóri alþjóðaskrifstofu frá 2001, tekur við starfi sendiherra Íslands í Osló
Sturla Sigurjónsson, sendiherra, sem verið hefur skrifstofustjóri varnarmálaskrifstofu frá 2002, tekur við starfi skrifstofustjóra alþjóðaskrifstofu.
Ofangreindar breytingar koma til framkvæmda á næstu mánuðum.
Utanríkisráðuneytið
Reykjavík, 30. júlí 2003