Björn Ingi Hrafnsson nýr aðstoðarmaður utanríkisráðherra
Nr. 074
FRÉTTATILKYNNING
frá utanríkisráðuneytinu
frá utanríkisráðuneytinu
Björn Ingi Hrafnsson hefur verið ráðinn aðstoðarmaður Halldórs Ásgrímssonar, utanríkisráðherra og tekur hann til starfa 1. september nk.
Björn Ingi er þrítugur að aldri. Hann nam sagnfræði og stjórnmálafræði við Háskóla Íslands og hefur að undanförnu gegnt störfum skrifstofustjóra Þingflokks framsóknarmanna og verið kynningarfulltrúi Framsóknarflokksins. Áður starfaði hann um árabil við blaðamennsku og dagskrárgerð í útvarpi og sjónvarpi.
Björn Ingi er kvæntur Hólmfríði Rós Eyjólfsdóttur hjúkrunarfræðingi. Eiga þau einn son og búa í Reykjavík.
Utanríkisráðuneytið
Reykjavík, 29. ágúst 2003