Nr. 053A, 08.06.1999:Varnaræfingin Norður Víkingur 99
Fréttatilkynning
frá utanríkisráðuneytinu
Nr. 053A
Varnaræfingin Norður Víkingur 99 verður haldin dagana 19.-28. júní n.k. Æfingin er haldin annað hvert ár á grundvelli varnarsamnings Íslands og Bandaríkjanna frá 1951 og samkvæmt bókun við hann frá 1996.
Þann 10. júní n.k. er ráðgert að þyrluverkefnið Norður Nágranni 99 muni hefjast, en verkefnið tengist Norður Víking 99. Um er að ræða samstarfsverkefni varnarmálaskrifstofu og Varnarliðsins þar sem flutningsþyrlur þær er taka þátt í Norður Víkingi 99 eru nýttar til borgaralegra flutningsverkefna víðsvegar um landið.
Miðvikudaginn 9. júní n.k. kl: 13:30 verður haldinn blaðamannafundur í utanríkisráðuneytinu. Fulltrúar varnarmálaskrifstofu utanríkisráðuneytisins, Landhelgisgæslunnar, Ríkislögreglustjóra, Flugmálastjórnar og Varnarliðsins munu gera grein fyrir varnaræfingunni Norður Víkingur 99 og þyrluverkefninu Norður Nágranni 99.
Utanríkisráðuneytið,
Reykjavík, 8. júní 1999.