Hoppa yfir valmynd

Sendiherra afhendir trúnaðarbréf sem sendiherra Íslands í Rúmeníu

Helga Hauksdóttir, sendiherra Íslands í Danmörku, afhenti í dag trúnaðarbréf sitt sem sendiherra Íslands í Rúmeníu með aðsetur í Kaupmannahöfn. Þar sem kórónafaraldurinn leyfir ekki ferðalög til Rúmeníu eins og er, fór afhendingin fram í sendiráði Rúmeníu í Kaupmannahöfn, sem jafnframt er sendiráð gagnvart Íslandi. Sendiherra Rúmeníu, Alexandru Gradinar, tók við trúnaðabréfinu úr hendi sendiherra. Trúnaðarbréfið verður sent forseta Rúmeníu, hr. Klaus W. Iohannis.

Af þessu tilefni áttu sendiherrarnir tveir stuttan fund, þar sem þau ræddu verkefni sem Rúmenía og Ísland standa saman að á vegum uppbyggingarsjóðs EES í Rúmeníu, m.a. á sviði endurnýjanlegra orkugjafa, nýsköpunar, mannréttinda, jafnréttismála og rannsókna. Þá ræddu þau einnig kórónafaraldurinn og stöðu hans í löndunum tveimur.

Í kjölfar afhendingarinnar mun sendiherra eiga fjarfund með ráðuneytisstjóra rúmanska utanríkisráðuneytisins og öðrum embættismönnum þess á næstu vikum.

Auk Rúmeníu er sendiráð Íslands í Kaupmannahöfn jafnframt sendiráð Íslands gagnvart Búlgaríu og Tyrklandi.

Tags

Contact us

Tip / Query
Spam
Please answer in numerics

This website uses cookies to ensure you get the best experience on our website. Read more