Hoppa yfir valmynd

Nr. 114, 25. nóvember 1999 Heimsókn Lord Robinsons, aðalframkvæmdastjóra Atlantshafsbandalagsins

FRÉTTATILKYNNING

frá utanríkisráðuneytinu

________




Nr. 114


George Robertson, lávarður, aðalframkvæmdastjóri Atlantshafsbandalagsins, kemur í opinbera heimsókn til Íslands í dag, ásamt fylgdarliði. Aðalframkvæmdastjóri Atlantshafsbandalagsins situr kvöldverðarboð Davíðs Oddssonar, forsætisráðherra, í Ráðherrabústaðnum í kvöld.

Í fyrramálið mun George Robertson, lávarður, eiga samráðsfund með Davíð Oddssyni, forsætisráðherra, og Halldóri Ásgrímssyni, utanríkisráðherra, þar sem málefni Íslands og Atlantshafsbandalagsins verða efst á baugi. Ennfremur munu þeir ræða Evrópusamstarf um öryggis- og varnarmál og hagsmuni Íslands og annarra aukaaðildarríkja Vestur-Evrópusambandsins.

George Robertson gegndi áður embætti varnarmálaráðherra Bretlands í ríkisstjórn Anthony Blair, forsætisráðherra. Nýr aðalframkvæmdastjóri Atlantshafsbandalagsins tók við embætti 14. október síðastliðinn, af Spánverjanum Javier Solana.

Efnt verður til blaðamannafundar í forsætisráðuneytinu, stjórnarráðshúsinu við Lækjartorg í kjölfar samráðsfundarins með forsætisráðherra og utanríkisráðherra og hefst hann kl. 10 árdegis, föstudaginn 26. nóvember 1999.

Æviágrip George Robertson, lávarðar, er að finna á heimasíðu NATO (http:\\www.nato.int/cv/secgen/robert-e.htm).



Utanríkisráðuneytið
Reykjavík, 25. nóvember 1999.


Tags

Contact us

Tip / Query
Spam
Please answer in numerics