Undirritun stjórnmálasambands

Hjálmar W. Hannesson sendiherra og fastafulltrúi Íslands hjá Sameinuðu þjóðunum og Kuomtog Laotegguelnodji, sendiherra Tsjad, undirrituðu í gær, miðvikudag, í New York samkomulag um stofnun stjórnmálasambands ríkjanna.

Tsjad er landlukið mið-Afríkuríki og meðal fátækustu ríkja heims. Íbúafjöldi er tæpar sjö milljónir. Baðmull hefur lengi verið helsta afurð landsmanna, en nú er hafin þar olíuvinnsla úr jörðu, sem gefur vonir um batnandi tíma.