Fundur forsætisráðherra Norðurlanda
Þann 26. maí funduðu forsætisráðherrar Norðurlanda við Mývatn. Á fundinum greindi Sigmundur Davíð Gunnlaugsson, forsætisráðherra, frá helstu áherslumálum Íslands, sem fer nú með formennsku í Norrænu
ráðherranefndinni. Einnig ræddu ráðherrarnir aukið samstarf á sviði öryggis- og varnarmála, ástandið í Úkraínu og önnur alþjóðleg málefni. Að fundi loknum gáfu forsætisráðherrarnir út sameiginlega yfirlýsingu um mikilvægi norræns samstarf, sem nálgast má hér.
Þann 27. maí funduðu forsætisráðherrarnir svo með formönnum landstjórna Grænlands, Færeyja og Álandseyja í Hofi á Akureyri. Fundinn sátu einnig framkvæmdastjóri Norrænu ráðherranefndarinnar, Dagfinn Høybråten og forseti Norðurlandaráðs, Karin Åström.