Fjölgun Íslendinga í eftirlitssveitum á Sri Lanka

FRÉTTATILKYNNING
úr utanríkisráðuneytinu

Nr. 051

Utanríkisráðherra átti fund í dag með utanríkismálanefnd Alþingis um málefni norrænna eftirlitssveita á Sri Lanka.

Í framhaldi af þeim fundi tilkynnti utanríkisráðherra um ákvörðun sína að fjölga í íslensku eftirlitssveitinni á Srí Lanka, úr þeim 4-5 mönnum sem hafa verið þar að undanförnu, upp í allt að 10 manns.

Jafnframt upplýsti ráðherra um þá fyrirætlun sína að endurskoða umgjörð og verkefnaval Íslensku friðargæslunnar, m.a. með það að markmiði að kanna hvort auka megi hlut kvenna í störfum hennar.