Greiðsluafkoma ríkissjóðs janúar-ágúst 2013
Greiðsluuppgjör ríkissjóðs fyrir fyrstu átta mánuði ársins 2013 liggur nú fyrir. Staða handbærs fjár frá rekstri batnaði miðað við sama tímabil 2012 og var neikvætt um 19,5 ma.kr. en var neikvætt um 33,7 ma.kr. 2012.
Tekjur jukust um 16,4 ma.kr. milli ára og gjöld um 7,6 ma.kr. Viðskiptahreyfingar höfðu jákvæð áhrif á handbært fé um 1,5 ma.kr. á móti neikvæðum áhrifum 2012 um tæpa 4 ma.kr.