Nr. 048, 04.07.2000 Opnun ljósmyndasýningar á Ísafirði
FRÉTTATILKYNNING
frá utanríkisráðuneytinu
________
Nr. 048
Halldór Ásgrímsson, utanríkisráðherra, mun opna ljósmyndasýningu "Yfirlit yfir þróun íslenskrar utanríkisþjónustu" í Byggðasafni Vestfjarða á Ísafirði á morgun, miðvikudaginn 5. júlí 2000. Hann mun jafnframt halda fyrirlestur um utanríkisþjónustuna og utanríkismál.
Utanríkisráðherra mun einnig taka þátt í kynningu á starfsemi Viðskiptaþjónustu utanríkisráðuneytisins á meðal fyrirtækja á Ísafirði og af Vestfjarðasvæðinu, í samvinnu við Atvinnuþróunarfélag Vestfjarða. Kynningin verður haldin í Þróunarsetri Vestfjarða, Árnagötu 2-4 og hefst kl. 15:45.
Ljósmyndasýningin er sett upp í tilefni af sextíu ára afmæli utanríkisþjónustunnar. Hún var fyrst opnuð í Þjóðarbókhlöðunni á afmælisdegi utanríkisþjónustunnar 10. apríl og síðan á Akureyri 29. maí síðastliðinn. Sýningin er opin alla daga kl. 10-17 og stendur frá 5. júlí til 5. ágúst næstkomandi.
Utanríkisráðuneytið
Reykjavík, 4. júlí 2000.