Samið um samstarf vegna neyðartilvika erlendis

Sturla Sigurjónsson, ráðuneytisstjóri utanríkisráðuneytisins, og Haraldur Johannessen ríkislögreglustjóri undirrituðu í dag samning um samstarf þegar upp koma neyðartilvik erlendis sem varða íslenska ríkisborgara.

Utanríkisráðuneytið hefur umsjón með skipulagi aðgerða þegar t.d. slys, hamfarir eða hryðjuverk verða erlendis, sem kunna að varða Íslendinga, en samstarfið við ríkislögreglustjóra felur í sér að verði umfang slíkra atburða mikið, færast aðgerðir ráðuneytisins í samhæfingarmiðstöð ríkislögreglustjóra í Skógarhlíð.