Afhending trúnaðarbréfs í Ottawa

Þann 15. september 2008 afhenti Sigríður Anna Þórðardóttir Michaëlle Jean landstjóra Kanada trúnaðarbréf sitt sem sendiherra Íslands í Kanada. Sigríður Anna er fyrsta konan til að gegna embætti sendiherra í Kanda frá því að sendiráð var stofnað þar árið 2001. Í umdæmi sendiráðsins eru auk Kanada eftirtalin ríki: Belís, Bólivía, Ekvador, Hondúras, Kostaríka, Kólumbía, Panama, Perú, Úrúgvæ, Venesúela og Níkaragva.

Meðfylgjandi mynd af Sigríði Önnu ásamt Michaëlle Jean landstjóra Kanada var tekin við þetta tilefni.