Utanríkisráðherra undirritar reglugerð um þvingunaraðgerðir gegn Líbíu
Össur Skarphéðinsson utanríkisráðherra undirritaði í dag reglugerð um þvingunaraðgerðir gegn Líbíu. Með reglugerðinni framfylgir Ísland ályktun öryggisráðs Sameinuðu þjóðanna nr. 1970 (2011) um Líbíu og ákvörðunum framkvæmdanefndar um þvingunaraðgerðir, sbr. sömu ályktun.
Reglugerðin felur í sér vopnaviðskiptabann, skoðunarheimildir á farmi í farartækjum til og frá Líbíu, landgöngubann og frystingu fjármuna Muammar Gaddafi einræðisherra Líbýu, fjölskyldu hans og náinna samstarfsmanna.