Hoppa yfir valmynd

Helstu skilmálar mögulegrar ríkisábyrgðar á lánsfjármögnun Icelandair Group

Frá Keflavíkurflugvelli. - mynd

Fjármála- og efnahagsráðherra lagði í fyrradag fram á Alþingi frumvarp til laga um breytingu á lögum um ríkisábyrgðir og frumvarp til fjáraukalaga, til að óska heimildar vegna fyrirhugaðrar ríkisábyrgðar á lánalínu Icelandair í tengslum við heimsfaraldur kórónuveiru. Fyrirgreiðslunni er ætlað að stuðla að áframhaldandi rekstri og tryggja að fullnægjandi árangur geti náðst í fjárhagslegri endurskipulagningu félagsins en þingleg meðferð málanna hefst þegar Alþingi kemur saman í dag.

Ráðherra hefur undirritað yfirlit yfir helstu skilmála mögulegrar ríkisábyrgðar á lánsfjármögnun félagsins, þar sem fram koma skilyrði ríkisábyrgðarinnar. Skilmálar lánsfjármögnunar sem samþykktir hafa verið af félaginu og bönkunum sem standa að lánalínunni eru fylgiskjal með yfirlýsingunni. Þá upplýsti Eftirlitsstofnun EFTA (ESA) að hún hefði í gær fallist á að ríkisábyrgðin samrýmdist ákvæðum EES-samningsins um ríkisaðstoð.


Tags

Contact us

Tip / Query
Spam
Please answer in numerics

This website uses cookies to ensure you get the best experience on our website. Read more