Hoppa yfir valmynd

Hakkaþon um nýsköpun í heilbrigðisþjónustu

Almenningur og frumkvöðlar taka höndum saman um að finna nýjar lausnir á sviði heilbrigðisþjónustu til að gera heilbrigðiskerfinu betur kleift að fást við nýjar áskoranir vegna COVID-19. Dagana 22.-24.maí verður haldin nýsköpunarkeppni þar sem einstaklingum og frumkvöðlum gefst kostur á að keppa um bestu lausnirnar. Vefur keppninnar var formlega opnaður í dag hakkathon.island.is.

Mótið er haldið að erlendri fyrirmynd undir nafninu “Hack the Crisis Iceland“og er hluti af fjárfestingarátaki stjórnvaldavegna COVID-19 heimsfaraldursins en ríkisstjórnin hyggst verja 150 m.kr. í að stuðla að nýskapandi lausnum sem tengjast heilbrigðisþjónustu.Hakkaþonið er fyrsti fasi verkefnisins en fjárfestingarverkefnið verður kynnt í heild sinni á næstu vikum og byggjast aðgerðirnar á heilbrigðisstefnunýsköpunarstefnu og aðgerðaáætlun um opinbera nýsköpun.

Hvað er hakkaþon?

Hakkaþon er nýsköpunarkeppni þar sem þverfagleg teymi vinna saman í afmarkaðan tíma við að finna lausnir á raunverulegum áskorunum sem lagðar eru fram. Teymunum býðst einnig að fá ráðgjöf frá sérhæfðum leiðbeinendums em hjálpa þeim í gegnum ferlið. Þannig geta allir tekið þátt og krefst mótið engrar ákveðinnar þekkingar eða tækni.

Verkefninu er stýrt af RebootHack og Nýsköpunarmiðstöð Íslands í samvinnu við Verkefnastofu um stafrænt Ísland, heilbrigðisráðuneyti, atvinnuvega- og nýsköpunarráðuneyti og fjármála og efnahagsráðuneyti.

Tags

17. Samvinna um markmiðin
9. Nýsköpun og uppbygging
8. Góð atvinna og hagvöxtur

Heimsmarkmiðin

17. Samvinna um markmiðin

9. Nýsköpun og uppbygging

8. Góð atvinna og hagvöxtur

Contact us

Tip / Query
Spam
Please answer in numerics