Vefrit viðskiptaskrifstofu
Nr. 109
FRÉTTATILKYNNING
frá utanríkisráðuneytinu
frá utanríkisráðuneytinu
Hafið hefur göngu sína nýtt vefrit viðskiptaskrifstofu utanríkisráðuneytisins sem ber heitið Stiklur. Þar verða fréttir af því sem er efst á baugi hverju sinni á skrifstofunni. Er þar helst til að taka málefni er varða viðskiptaþjónustu ráðuneytisins, EES-samninginn auk ýmissa alþjóðlegra samninga viðskiptalegs eðlis, s.s. gerð fríverslunarsamninga, fjárfestingarsamninga og tvísköttunarsamninga. Einnig er áformað að vera með reglulegar fréttir af viðskiptafulltrúum ráðuneytisins sem starfa í sendiráðum Íslands erlendis. Þá verður það markmið vefritsins að kynna hvaða þjónusta stendur þeim fyrirtækjum til boða sem eru að hasla sér völl á erlendum mörkuðum.
Nálgast má vefritið á heimasíðunni stiklur.is eða utan.is.
Utanríkisráðuneytið
Reykjavík, 15. október 2002