Utanríkisráðherra fundar með utanríkisráðherrum ESB-ríkjanna
Nr. 130
FRÉTTATILKYNNING
frá utanríkisráðuneytinu
frá utanríkisráðuneytinu
Halldór Ásgrímsson utanríkisráðherra hitti í gær og í dag í tengslum við leiðtogafund NATO í Prag, utanríkisráðherra ESB-ríkjanna og afhenti orðsendingu um afstöðu Íslands varðandi stækkun EES.
Halldór Ásgrímsson lýsti eindregnum stuðningi Íslands við stækkun EES og ESB en um leið undirstrikaði hann að þær kröfur sem framkvæmdastjórn ESB væri að undirbúa á hendur EFTA-ríkjunum væru óásættanlegar og að fyrir þeim væri enginn grundvöllur í EES-samningnum.
Einnig ítrekaði hann að nauðsynlegt væri að finna lausn á því vandamáli sem mundi skapast varðandi viðskipti með fisk eftir að fríverslunarsamningar EFTA við umsóknarríkin falla niður.
Utanríkisráðuneytið
Reykjavík, 22. desember 2002