Katrín Jakobsdóttir, forsætisráðherra og Angela Merkel, kanslari Þýskalands, funduðu í dag í Berlín
„Þetta var mjög gagnlegur fundur þar sem við ræddum ýmis málefni sem varða báðar þjóðir og m.a. um stöðuna í þýskum stjórnmálum, Evrópu og í alþjóðasamfélaginu. Það er mikilvægt fyrir okkur Íslendinga að rækta okkar góðu samskipti við Þýskaland á tímum áskorana og breytinga á alþjóðavettvangi“, sagði Katrín Jakobsdóttir, forsætisráðherra, að loknum fundinum.