Fundur utanríkisráðherra Atlantshafsbandalagsins og Evrópusambandsins

FRÉTTATILKYNNING
frá utanríkisráðuneytinu

Nr. 060

Valgerður Sverrisdóttir utanríkisráðherra sat í dag hádegisverðarfund utanríkisráðherra Atlantshafsbandalagsins og Evrópusambandsins sem fram fór í New York samhliða allsherjarþingi Sameinuðu þjóðanna. Fjallað var á fundinum um ýmis alþjóðamál, þ.á.m. ástandið í Afganistan og fyrir botni Miðjarðarhafs.

Þá átti utanríkisráðherra í gær tvíhliða fundi með utanríkisráðherrum Níkaragúa, Bahrain og Madagaskar og kynnti meðal annars framboð Íslands til setu í öryggisráði S.þ.

Á morgun mun utanríkisráðherra taka þátt í hringborðsumræðum þar sem fjallað verður meðal annars um hvernig auka megi völd kvenna og þátttöku þeirra á hinum ýmsu sviðum samfélagsins, ekki síst í stjórnmálum og á vinnumarkaðnum. Það er utanríkisráðherra Bandaríkjanna sem býður til umræðnanna.