Afhending trúnaðarbréfs

Sveinn Björnsson, sendiherra, afhenti 9. september, forseta Austurríkis, dr. Heinz Fischer, trúnaðarbréf sitt sem sendiherra Íslands í Austurríki.

Í samtali eftir afhendingu trúnaðarbréfsins lýsti forsetinn yfir ánægju sinni með tvíhliða samskipti Austurríkis og Íslands, ekki síst vegna margþættra og sögulegra tengsla ríkjanna á sviði menningarmála. Viðskipti Íslands og Austurríkis hafa verið stöðug undanfarin ár. Árið 2003 nam verðmæti vöruinnflutnings frá Austurríki til Íslands 1350 milljónum króna, en verðmæti vöruútflutnings frá Íslandi til Austurríkis nam 268 milljónum króna.