Hoppa yfir valmynd

Afhending trúnaðarbréfs

Sverrir Haukur Gunnlaugsson afhendir trúnaðarbréf sitt á Indlandi
Afhending trúnaðarbréfs á Indlandi.

Sverrir Haukur Gunnlaugsson, sendiherra, afhenti 23. febrúar 2004, Dr. Abdul Kalam, forseta Indlands, trúnaðarbréf sitt sem sendiherra Íslands í Indlandi með aðsetur í London.

Í tengslum við afhendingu trúnaðarbréfsins í Nýju Delhi mun sendiherra eiga fundi með háttsettum embættismönnum í ýmsum ráðuneytum Indlands þar sem m.a. verður rætt um framboð Íslands til öryggisráðs Sameinuðu þjóðanna árin 2009-2010 og gerð loftferðasamnings milli landanna.

Ísland mun óska eftir því að komið verði á samningi sem miðar að því að koma í veg fyrir tvísköttun einstaklinga og fyrirtækja. Fyrir liggur tillaga indverskra stjórnvalda um gerð samnings til að styrkja menningartengsl milli landanna sem íslensk stjórnvöld hafa tekið vel undir

Tags

Contact us

Tip / Query
Spam
Please answer in numerics