Nr. 041, 12. maí 1998: Kjarnasprengingar Indverja í tilraunaskyni
FRÉTTATILKYNNING
frá utanríkisráðuneytinu
Nr. 41
Íslensk stjórnvöld harma mjög að Indverjar hafa sprengt þrjár kjarnasprengjur í tilraunaskyni. Þær komu mjög á óvart eftir tuttugu og fjögurra ára hlé á slíkum tilraunum Indverja og eftir að 144 ríki undirrituðu haustið 1996 samninginn um algjört bann við kjarnasprengingum í tilraunaskyni.
Íslensk stjórnvöld hvetja Indverja til að hætta við öll frekari áform um kjarnasprengingar í tilraunaskyni, enda leiða þær einungis til ótryggara öryggisástands í Suður-Asíu og geta haft alvarlegar afleiðingar í för með sér, þar á meðal umhverfisspjöll.
Ofangreindum íslenskum sjónarmiðum verður komið á framfæri við indversk stjórnvöld.
Utanríkisráðuneytið,
Reykjavík, 12. maí 1998.