Nr. 001, 8. janúar 1999: Opinber heimsókn utanríkisráðherra og frú Sigurjónu Sigurðardóttur til Danmerkur 14.-16. janúar n.k.
Fréttatilkynning
frá utanríkisráðuneytinu
Nr. 001
Halldór Ásgrímsson, utanríkisráðherra og frú Sigurjóna Sigurðardóttir verða í opinberri heimsókn í Danmörku 14. - 16. janúar n.k. í boði Niels Helveg Petersen, utanríkisráðherra Danmerkur.
Utanríkisráðherrar Íslands og Danmerkur munu eiga fund um utanríkismál og ýmis tvíhliða málefni. Einnig mun Danadrottning taka á móti utanríkisráðherra og forsætisnefnd danska þjóðþingsins mun funda með ráðherranum. Framkvæmdir við Eyrarsundsbrúna verða skoðaðar og farið verður í heimsókn til fyrirtækja sem selja útflutningsvörur frá Íslandi.
Utanríkisráðherra mun þann 13. janúar stýra fyrsta fundi sínum í Kaupmannahöfn í Norrænu ráðherranefndinni sem formaður norrænu samstarfsráðherranna, en Ísland fer með norræna formennsku á árinu 1999.
Meðfylgjandi er dagkrá heimsóknarinnar.
Utanríkisráðuneytið,
Reykjavík, 8. janúar 1999.