Lyklaskipti í mennta- og menningarmálaráðuneyti

Nýir ráðherrar tóku við lyklum að mennta- og menningarmálaráðuneytinu í morgun. Áslaug Arna Sigurbjörnsdóttir, nýr ráðherra vísinda, iðnaðar og nýsköpunar, og Ásmundur Einar Daðason mennta- og barnamálaráðherra tóku við gjöfum og velfarnaðaróskum frá Lilju Alfreðsdóttur, nýjum ráðherra ferðamála, viðskipta og menningar.

Mennta- og menningarmálaráðuneytið mun starfa í óbreyttri mynd næstu vikurnar á meðan á skiptingu málefnasviða þess stendur. Núverandi málefnasvið ráðuneytisins munu með nýju skipulagi Stjórnarráðsins skiptast milli fjögurra ráðuneyta.