Skýrsla um þjónustu sveitarfélaga
Komin er út skýrsla með niðurstöðum könnunar sem hafði það markmið að taka saman þjónustu sveitarfélaga við börn og barnafjölskyldur, umfram lögbundnar skyldur. Rannsóknin náði til allra sveitarfélaga landsins sem hafa fleiri en þúsund íbúa, alls 33 sveitarfélög með samtals 295.375 íbúa eða 93% af heildaríbúafjölda landsins. Niðurstöður byggja á gögnum sem fyrst og fremst var aflað af vefsvæðum sveitarfélaganna. Niðurstöður könnunarinnar sýna að sveitarfélögin veita börnum og barnafjölskyldum afar fjölbreytta þjónustu umfram þá sem bundin er í lögum.