Nr. 003, 19. janúar 1998: Heimsókn utanríkisráðherra Kanada.
FRÉTTATILKYNNING
frá utanríkisráðuneytinu
_____________
Lloyd Axworthy, utanríkisráðherra Kanada kemur í stutta heimsókn til Íslands þriðjudaginn 20. þ.m. á leið sinni til Kanada. Að kvöldi þess dags situr hann kvöldverðarboð utanríkisráðherra. Á miðvikudag mun hann eiga viðræður við utanríkisráðherra og fara í kurteisisheimsókn til forseta Íslands. Þá mun hann einnig eiga fund með forsætisráðherra og síðan utanríkismálanefnd Alþingis, áður en hann heldur af landi brott.
Utanríkisráðuneytið,
Reykjavík, 19. janúar 1998