Framtíðarskipan atvinnumála fatlaðs fólks
Guðbjartur Hannesson velferðarráðherra hefur skipað starfshóp til að fjalla um framtíðarskipan atvinnumála fatlaðs fólks.
Hlutverk starfshópsins er að fara yfir og skilgreina hvað telst vera atvinnutengd endurhæfing einstakra hópa í skilningi laga um vinnumarkaðsaðgerðir. Starfshópnum ber að skila ráðherra skýrslu um störf sín fyrir árslok 2011.
Formaður starfshópsins er Hanna Sigríður Gunnsteinsdóttir, skipuð af velferðarráðherra. Aðrir sem þar eiga sæti eru:
- Þóra Þórarinsdóttir, tiln. af Landssamtökunum Þroskahjálp
- Guðlaug Jóna Hilmarsdóttir, tiln. af Sambandi íslenskra sveitarfélaga
- Gissur Pétursson, tiln. af Vinnumálastofnun
- Þorsteinn Jóhannsson, tiln. af Öryrkjabandalagi Íslands