Ferð embættismanna til Kína
FRÉTTATILKYNNING
frá utanríkisráðuneytinu
_____________
Nr. 86
Tveir starfsmenn utanríkisráðuneytisins, ráðuneytisstjóri og skrifstofustjóri alþjóðaskrifstofu, fara til Kína laugardaginn 18. október n.k. til fundar með kínverskum ráðamönnum. Tilgangur heimsóknarinnar er að treysta á ný samband ríkjanna og eyða þeim misskilningi sem upp hefur komið og haft hefur neikvæð áhrif á annars vinsamleg samskipti.
Ísland hefur haft stjórnmálasamband við Alþýðulýðveldið Kína síðan 14. desember 1971 og opnaði sendiráð í Beijing árið 1995.
Utanríkisráðuneytið,
Reykjavík, 16. október 1997.