Hoppa yfir valmynd

Sækja lækningavörur frá Kína

Stofugangur á smitsjúkdómadeild A7 á Landspítalanum í Fossvogi  - myndLandspítalinn/Þorkell Þorkelson

Íslensk heilbrigðisyfirvöld hafa samið við Icelandair um að sækja pöntun af hlífðarbúnaði fyrir heilbrigðisstarfsmenn til Kína. Búnaðurinn var pantaður fyrir nokkru síðan, þegar ljóst var hvað í stefndi vegna COVID-19 heimsfaraldursins. 

„Enginn skortur hefur verið hér á landi á hlífðarbúnaði, en með þessu verkefni er verið að tryggja ábyrga birgðastöðu á þessum mikilvægu vörum fyrir sjúkrahús og aðrar heilbrigðisstofnanir hér á landi meðan á faraldrinum stendur,“ segir Svandís Svavarsdóttir heilbrigðisráðherra.

Góð samvinna hefur verið um þetta verkefni milli heilbrigðisyfirvalda, almannavarna, Icelandair og utanríkisráðuneytisins. Sendiráð Íslands í Kína hefur unnið að því í samráði við yfirvöld hér heima að festa kaup á þessum vörum og tryggja leyfi fyrir útflutningi og sendiráð Kína á Íslandi hefur einnig veitt góða aðstoð við þetta verkefni. 

Tags

Contact us

Tip / Query
Spam
Please answer in numerics

This website uses cookies to ensure you get the best experience on our website. Read more